हिमाल प्रेस 
काठमाडौँ- नेपाल स्टक एक्सचेन्ज (नेप्से) परिसूचक १४.०८ अंकले घटेर दुई हजार ७१५.९१ मा झरेको छ। मंगलबारको कारोबारमा विभिन्न ३१५ कम्पनीका एक करोड ६९ लाख १७ हजार ८३५ कित्ता सेयर ९० हजार २०२ पटक खरिदबिक्री हुँदा आठ अर्ब ९१ करोड ९६ लाख ९७ हजार ७७५ रुपैयाँमा कारोबार भएका छन्।
जलविद्युत् र अन्य उपसमूहबाहेक अन्य उपसमूह घटेको छ। जोशी हाइड्रोपावर डेभलपमेन्ट बैंकको ९.९८ प्रतिशत, मध्यभोटेकोशी जलविद्युत् कम्पनी लिमिटेडको दशमलव २५ प्रतिशत, न्यादी हाइड्रोपावर लिमिटेडको ८.१९ प्रतिशत, उपकार लघुवित्त वित्तीय संस्था लिमिटेडको ८.१२ प्रतिशत र कालिका पावर कम्पनीको सेयर मूल्य ८.०५ प्रतिशतले बढेको छ।
साथै कर्पोरेट डेभलपमेन्ट बैंक, ग्रीन डेभलपमेन्ट बैंक र सिन्धु विकास बैंकको सेयर मूल्यमा नकारात्मक सर्किट लागेको छ। मंगलबारको कारोबारपछि बजार पुँजीकरण ४५ खर्ब छ अर्ब १० करोड ९२ लाख सात हजार ९६१ रुपैयाँ पुगेको छ।
