एटलान्टाविरुद्ध रियालको जित

काठमाडौँ- च्याम्पियन्स लिगमा मंगलबार साबिक विजेता रियाल मड्रिडले घरेलु टोली एटलान्टाविरुद्ध ३-२ को रोमाञ्चक जित दर्ता गरेको छ। जितसँगै ६ खेलमा ९ अंक जोडेको रियाल १८औं स्थानमा छ। पहिलो पराजय ब्यहोरेको एटलान्टा समान खेलबाट ११ अंकका साथ नवौं स्थानमा छ।

जिविस रंगशालामा रियाललाई जित दिलाउन किलियन एमबाप्पे, भिनिसियस जुनियर र जुड बेलिङघमले गोल गरे। एटलान्टाका लागि चार्ल्स डी क्याटेलेर र एड्मोला लुकम्यानले गोल गरे। खेलको १०औं मिनेटमा एमबाप्पेको गोलमार्फत रियालले अग्रता लिएको थियो। पहिलो हाफको इन्जुरी समयमा क्याटेलेरले पेनाल्टीमार्फत गोल गर्दै एटलान्टालाई बराबरीमा ल्याए।

जुनियरले ५६औं मिनेटमा गोल गर्दा रियाल २-१ ले अगाडि बढ्यो। तीन मिनेटपछि नै बेलिङघमले रियालका लागि तेस्रो गोल गरे।लाकम्यानले ६५औं मिनेटमा गोल गर्दे एटलान्टालाई खेलमा फर्काउने संकेत दिए पनि त्यो पर्याप्त बन्न सकेन।