![प्रधानमन्त्री ओलीको प्रमुख राजनीतिक सल्लाहकारमा रिमाल र आर्थिक सल्लाहकार खतिवडा](https://himalpress.com/wp-content/uploads/2024/07/bishnu-rimal-yubaraj-khatiwoda.jpg)
काठमाडौँ- प्रधानमन्त्री केपी शर्मा ओलीको प्रमुख राजनीतिक सल्लाहकारमा विष्णु रिमाल र आर्थिक सल्लाहकारमा पूर्वअर्थमन्त्री डा. युवराज खतिवडालाई नियुक्त गर्ने निर्णय गरिएको छ।
आज (बिहीबार) बसेको मन्त्रिपरिषद् बैठकले रिमाल र खतिवडालाई सल्लाहकार नियुक्त गर्ने निर्णय गरिएको एक मन्त्रीले जानकारी दिए। एमालेका उपमहासचिव रिमाल यसअघि पनि ओलीको राजनीतिक सल्लाहकारका रूपमा थिए। त्यस्तै खतिवडा पूर्वगभर्नर एवं पूर्व अर्थमन्त्रीसमेत हुन्। बैठकले मन्त्रिपरिषद्अन्तर्गतका ५ वटा समिति बनाउने पनि निर्णय गरेको छ।
यस्तै प्रमुख स्वकीय सचिवमा राजेश बर्जाचार्य, स्वकीय सचिवालयमा रोशनी मेचे, दीपेन्द्र दाहाल र रामशरण बजगाई नियुक्त भएका छन्।
प्रकाशित: ३ साउन २०८१ २०:१७
प्रतिक्रिया