कर्णालीका हिमाली जिल्लामा पाँच दिनदेखि उडेन जहाज

हिमाल प्रेस २४ असार २०८१ १८:०७
16
SHARES
कर्णालीका हिमाली जिल्लामा पाँच दिनदेखि उडेन जहाज फाइल तस्बिर।

हुम्ला- लगातार पानी परेपछि कर्णाली प्रदेशका हिमाली जिल्लामा पाँच दिनदेखि हवाईसेवा अवरुद्ध भएको छ। यही असार १९ गतेयता कर्णालीका चार हिमाली जिल्लामा हवाई सेवा अवरुद्ध भएको नागरिक उड्डयन प्राधिकरण, सिमकोट शाखाका प्रमुख महेन्द्रबहादुर सिंहले बताए। उनका अनुसार डोल्पा, मुगु, जुम्ला र हुम्लामा हवाई उडान अवरुद्ध छ।

नेपालगञ्जबाट तारा, सीता र समिट एयरको जहाजले हिमाली चार जिल्लाका लागि उडान भर्ने तयारी गरे पनि मौसम अनुकूल नहुँदा  हवाई सेवा अवरुद्ध भएको हो।

हवाईसेवा अवरुद्ध भएपछि मानसरोवर कैलाशको दर्शन गरेर फिर्ता हुने तयारी गरेका पर्यटकहरू चीनको ताक्लाकोटबाट तिब्बती हुँदै केरुङ हुँदै काठमाडौँ फर्किएका छन्। मानसरोवर कैलाशको दर्शन गरेर फर्केका आठ जना भने सिमकोटबाट हेलिकप्टरबाट नेपालगञ्ज फर्केका छन्।

प्रकाशित: २४ असार २०८१ १८:०७

प्रतिक्रिया

Leave a Reply

Your email address will not be published. Required fields are marked *

8 − five =