हिमाल प्रेस 
इटहरी– इटहरीमा ट्रकको ठक्करबाट काकाभतिजको मृत्यु भएको छ। इटहरी १२ खनारचोकमा विराटनगरबाट इटहरीतर्फ गुडिरहेको प्र १-०२-०४१ प ६६१९ नम्बरको मोटरसाइकललाई विपरीत दिशामा गुडिरहेको प्र १-०२-००१ क ४५७८ नम्बरको ट्रकले शनिबार बिहान ठक्कर दिँदा २३ वर्षीय विपन दाहाल र पछाडि सवार सोही ठाउँका ८ वर्षीय बालक अभि दाहालको मृत्यु भएको प्रहरीले जनाएको छ।
प्रहरीका अनुसार उनीहरू काकाभतिज हुन्। दुर्घटनामा उनीहरूको घटनास्थलमै मृत्यु भएको प्रहरीले जनाएको छ । ट्रक चालक इटहरी २ बस्ने ३० वर्षीय प्रदीप कोइरालालाई प्रहरीले नियन्त्रणमा लिएर घटनाबारे आवश्यक अनुसन्धान सुरु गरेको जनाएको छ।
प्रकाशित: २६ फागुन २०८० १२:३१
प्रतिक्रिया
