हिमाल प्रेस 
काठमाडौँ- गायक एवं भजन शिरोमणी भक्तराज आचार्यको पार्थिव शरीरको आज (मंगलबार) दाहसंस्कार गरिँदैछ।
आज अन्तिम श्रद्धान्जलिका लागि संगीत तथा नाट्य प्रज्ञा प्रतिष्ठानमा राखिने भएको छ। बिहान ९ बजे आचार्यको पार्थिव शरीर प्रज्ञा प्रतिष्ठानाको प्रांगणमा राखिने संगीतका चेतन सापकोटाले जानकारी दिए।
संगीतकर्मीहरूले आचार्यको सम्मानमा आज उनको गीत गाउनेछन्।
दिउँसो १ बजेपछि अन्तिम श्रद्धान्जलिका लागि प्रज्ञा प्रतिष्ठानमा राखेपछि अन्तिम संस्कारका लागि पशुपति आर्यघाट लगिनेछ। र, हिन्दु संस्कारअनुसार आजै दाहसंस्कार गरिनेछ।
८१ वर्षको उमेरमा आचार्यको हिजो निधन भएको थियो।
प्रकाशित: १५ फागुन २०८० ७:२३
प्रतिक्रिया
