हिमाल प्रेस 
काठमाडौँ- नेपाल राष्ट्र बैंकले नीजि बैंकका अध्यक्ष, सञ्चालक र प्रमुख कार्यकारी अधिकृत (सीईओ)लाई कारबाही गरेको छ।
राष्ट्र बैंकले मुक्तिनाथ विकास बैंकका सञ्चालक समिति, सञ्चालक समितिका अध्यक्ष र प्रमुख कार्यकारी अधिकृतलाई सचेत गरेको हो।
सप्तकोसी डेभलपमेन्ट बैंकका सञ्चालक समिति र प्रमुख कार्यकारी अधिकृत, नारायणी डेभलपमेन्ट, प्रोग्रेसिभ फाइनान्सको सन्चालक समिति र सीईओ, गुडविल फाइनान्सका संचालक समिति र सीईओलाई राष्ट्र बैंकले कारबाही गरेको हो।
त्यसैगरी गुहेश्वरी मर्चेण्ट बैंकिङ एण्ड फाइनान्सका सीईओ पनि कारबाहीमा परेको बैंकले जनाएको छ। केन्द्रीय बैंकले चालु आर्थिक वर्ष २०८०/८१ को दोस्रो त्रैमासमा विकास बैंक र वित्त कम्पनी तथा ती संस्थाका अध्यक्ष, सन्चालक र सीईओलाई कारबाही गरेको हो।
प्रकाशित: २ फागुन २०८० १२:१५
प्रतिक्रिया
