हिमाल प्रेस 
सोलुखुम्बु- सोलुखुम्बुमा वृद्धभत्ता लिएर फर्किएका एक वृद्धको बाटोमै मृत्यु भएको छ।
वृद्धभत्ता लिन सल्लेरी आएर फर्कने क्रममा सोलुदूधकुण्ड नगरपालिका-१० टाप्टिङका ८५ वर्षीय सिद्धिबहादुर मगरको बुधबार सिसाखोला पुग्दा जिपमै ज्यान गएको हो।
जिल्ला प्रहरी कार्यालयका प्रहरी निरीक्षक अनिल मिश्रका अनुसार सोलुदूधकुण्ड-९ सिसाखोलामा खाजा खाने क्रममा मगर नआएपछि हेर्न जाँदा जिपमै मृत भेटिएका थिए।
उनको शव परीक्षणका लागि जिल्ला अस्पताल फाप्लु ल्याइएको छ। रासस
प्रकाशित: २५ माघ २०८० १२:३०
प्रतिक्रिया
