![सप्तकोशीमा पानीको बहाव यस बर्खाकै उच्च, बल्यो रातो बत्ती](https://himalpress.com/wp-content/uploads/chunck/06/koshi_1659519203.jpg)
काठमाडौँ- अविरल वर्षासँगै सुनसरीस्थित सप्तकोशी नदीमा पानीको बहाव यो वर्षकै उच्च मापन गरिएको छ ।
सोमबार बिहान ४ बजेको पछिल्लो मापनअनुसार सप्तकोशी नदीमा पानीको बहाव ४ लाख ६२ हजार ३४५ क्युसेक पुगेको हो ।
पानीको बहाव बढेपछि कोशी ब्यारेजका सबै ५६ वटै ढोका खोलिएका छन्। यसैगरी कोशी नदीमा क्षेत्रका सर्वसाधारणलाई सतर्क रहन प्रशासनले आग्रह गरेको छ।
कोशी ब्यारेजमा अहिले खतराको संकेत रातो बत्ती बालिएको छ।
कोशी ब्यारेजमा पानीको बहाव एक लाख ५० हजार काट्नेबित्तिकै सर्वसाधारणलाई सचेत गर्नका निम्ति बत्ती बाल्ने गरिन्छ।
प्रकाशित: २९ साउन २०८० ६:५२
प्रतिक्रिया