नेपाल पुनर्बिमा कम्पनीले ५ प्रतिशत लाभांश दिने

काठमाडौँ– नेपाल पुनर्बीमा कम्पनीले सेयरधनीलाई ५ प्रतिशत लाभांश दिने प्रस्ताव गरेको छ। कम्पनी सञ्चालक समितिको आइतबार बसेको बैठकले ४.७५ प्रतिशत बोनस सेयर र ०.२५ प्रतिशत नगद लाभांश वितरण प्रस्ताव पारित गरेको हो।

कम्पनीले आर्थिक वर्ष ०७८/७९ को वितरणयोग्य नाफाबाट चुक्ता पुँजी १२ अर्ब २३ करोड रुपैयाँबाट उक्त लाभांश दिने बताएको हो।

कम्पनीले आर्थिक वर्ष ०७७/७८ मा ५.२६ प्रतिशत लाभांश वितरण गरेको थियो।