हिमाल प्रेस काठमाडौँ- नेपाली वेब सिरिज ‘लालबहादुर : द स्पार्क’ को ट्रेलर सार्वजनिक भएको छ। देव जंग थापाको लेखन तथा निर्देशन रहेको सिरिजमा सरोज खनाल र सुनील थापा मुख्य भूमिकामा रहेका छन्।
१ मिनेट ४५ सेकेन्ड लामो ट्रेलरमा सरोज, सुनीललगायत कलाकार अटाएका छन्। मुहान सुक्दा गाउँमा पानी ल्याउन अघि सरेका सरोजको संघर्षको कथा वेब सिरिजमा देख्न सकिनेछ।
चार सिजनमा ५२ एपिसोड प्रसारण हुने सिरिजको पहिलो सिजन १३ एपिसोडको रहेको वेब सिरिजका निर्देशक देव जंग थापाले सञ्चारमाध्यमलाई जानकारी दिएका छन्।
सिरिजमा खड्गबहादुर पुन (खबपु), सरीता राजोपाध्याय, लक्ष्मीनाथ तिमिल्सिना, गीता थापा पराजुली, रामबाबु रेग्मी, अनीता गिरीलगायत कलाकारको अभिनय रहनेछ।
सिरिज फागुन पहिलो साताबाट हरेक हप्ता प्रसारण हुने निर्माण पक्षले जनाएको छ।
प्रकाशित: २५ माघ २०७९ १४:५८
प्रतिक्रिया
