इटहरीमा मोटरसाइकल दुर्घटना हुँदा एक पुरुषको मृत्यु

इटहरी- इटहरीमा मोटरसाइकल अनियन्त्रित भएर दुर्घटना हुँदा एक पुरुषको मृत्यु भएको छ। आइतबार दिउँसो ३ बजेतिर इटहरी उपमहानगरपालिका-१३ खनारस्थित गणेश मन्दिर नजिकै विराटनगरबाट इटहरीतर्फ आउँदै गरेको को २९ प २४२ नम्बरको मोटरसाइकल अनियन्त्रित भएर दुर्घटना भएको इलाका प्रहरी कार्यालय इटहरीले जनाएको छ।

मृत्यु हुनेमा इटहरी १ बस्ने ३६ वर्षीय इकार गौतम छन्। दुर्घटनामा गम्भीर घाइते भएका उनको उपचारका क्रममा कोसी अस्पताल विराटनगरमा मृत्यु भएको प्रहरीले जनाएको छ। तीव्र गतिका कारण मोटरसाइकल दुर्घटना भएको प्रहरीको प्रारम्भिक अनुसन्धानबाट खुलेको छ।