हिमाल प्रेस 
काठमाडौँ- उपप्रधान तथा गृहमन्त्री नारायणकाजी श्रेष्ठले मिटरब्याजसम्बन्धी विधेयक कानुन बनेकोमा सबैलाई बधाई दिएका छन्। उनी आफूहरू पीडितको पक्षमा रहेको बताएका छन्।
उनले सामाजिक सञ्जालमार्फत दुवै सदनबाट पारित भएको उत्तः विधेयक राष्ट्रपति रामचन्द्र पौडेलले प्रमाणित गरेसँगै आजदेखि ऐन बनेको जानकारी दिएका छन्। उनले बधाई पनि दिएका छन्।
मिटरब्याजसम्बन्धी कानुन बनेसँगै मिटरब्याजको शोषणबाट पीडितलाई मुक्ति दिने अभियानलाई सफल पार्न यसले मूल आधार प्रदान गरेको उनले उल्लेख गरेका छन्।
‘मिटरब्याजसम्बन्धी विधेयक दुवै सदनबाट पारित भई राष्ट्रपतिज्यूबाट प्रमाणीकरण भएपछि आजदेखि ऐन बनेको छ,’ उनले भनेका छन्, ‘सामन्तवादको अवशेषको रुपमा रहेको मिटरब्याजको शोषणबाट पीडितलाई मुक्ति दिने अभियानलाई सफल पार्न यसले मूल आधार प्रदान गरेको छ। यो अभियानको लागि ऐन कोशेढुंगा बनेको छ। सबैलाई बधाई।
मिटर ब्याज पिडीतलाई न्याय दिन जारी ऐन कार्यान्वयनको प्रकृयालाई सहयोग पुर्याउन सबैसँग हार्दिक अनुरोध गर्दछु । ऐन ,आयोग र हरेक जिल्ला प्रशाशन कार्यालयमा रहेको सहजीकरण समितिलाई जोडेर पिडीतलाई न्याय दिलाई छाडौं । पिडीतको पक्षमा एकजुट होऔं ।
— NKShresthaPrakash (@nksthaprakash) July 28, 2023
मिटर ब्याज सम्बन्धि बिधेयक दुबै सदनबाट पारित भई राष्ट्रपतिज्यु बाट प्रमाणीकरण भएपछि आजबाट ऐन बनेको छ।सामन्तवादको अवशेषको रुपमा रहेको मिटर ब्याजको शोषणबाट पिडीतलाई मुक्ति दिने अभियानलाई सफल पार्न यसले मुल आधार प्रदान गरेको छ्।यो अभियानको लागि ऐन कोशे ढुङ्गा बनेको छ ।सबैलाई बधाई।+
— NKShresthaPrakash (@nksthaprakash) July 28, 2023
