हिमाल प्रेस 
भौतिक पूर्वाधार तथा यातायातमन्त्री प्रकाश ज्वाला।
काठमाडौँ– भौतिक पूर्वाधार तथा यातायातमन्त्री प्रकाश ज्वाला बाढी-पहिरो प्रभावित क्षेत्रको स्थलगत भ्रमणमा निस्किएका छन्।
३ असारको अविरल वर्षापछि मेची राजमार्गको ताप्लेजुङ र पाँचथर जोड्ने हेवा खोलामा आएको बाढी पहिरोको स्थलगत भ्रमणका लागि उनी शनिबार प्राविधिक टोलीसहित त्यसतर्फ गएका हुन्।
बाढीले खोलाको पुल बगाएपछि मेची राजमार्ग हाल अवरुद्ध छ। हेवा खोला पुल बगाएको २ दिनभित्र बेलिब्रिज निर्माणको काम थालिए पनि तत्काल सम्पन्न हुन सकेको छैन।
खोलामा डाइभर्सन बनाएर यातयाात सञ्चालन गरिए पनि फेरि बाढी आउँदा डाइभर्सन बगाएको छ।
निर्माणधिन बेलिब्रिज र भौतिक क्षति भएका क्षेत्रको स्थलगत निरीक्षणका लागि मन्त्रीसहित सडक विभागका महानिर्देशक सुशीलबाबु ढकाल, उपमहानिर्देशक रामहरी पोखरेललगायत प्राविधिकको टोली त्यसतर्फ गएको हो।
प्रकाशित: १६ असार २०८० ९:४४
प्रतिक्रिया
