साहित्य कला संगमले यी सात स्रष्टालाई पुरस्कार प्रदान गर्ने

काठमाडौँ- साहित्य कला संगम दमकले यस वर्ष सात स्रष्टालाई पुरस्कार प्रदान गर्ने घोषणा गरेको छ।

‘भवानी मिश्र पुरस्कार’, ‘साहित्य कलाश्री पुरस्कार’ र ‘तुलसादेवी न्यौपाने स्मृति पुरस्कार’का लागि सात स्रष्टालाई नगदसहित पुरस्कृत गर्न लागेको आयोजकले जनाएको छ।

‘भवानी मिश्र पुरस्कार’बाट साहित्यकार चूडामणि रेग्मी, प्रतिभा पौडेल, मुकुन्द प्रयास, हिक्मत नेम्वाङ र युद्धवीर राणा पुरस्कृत हुनेछन्।

‘साहित्य कलाश्री पुरस्कार’ निबन्धकार युवराज नयाँघरे र ‘तुलसादेवी न्यौपाने स्मृति पुरस्कार’ गायक सीताराम ताजपुरियालाई प्रदान गरिनेछ।

आगामी चैत २५ गते झापा दमकस्थित गोरखा डिपार्टमेन्ट सभाहलमा हुने कार्यक्रममा ३५ हजार रुपैयाँसहित उक्त पुरस्कार प्रदान गरिने आयोजकले जनाएको छ।