हिमाल प्रेस 
झापा- टिप्परको ठक्करबाट यहाँ एक जना साइकलयात्रीको मृत्यु भएको छ । जिल्ला प्रहरी कार्यालयका अनुसार झापा गाउँपालिका–३ का ६५ वर्षीय इशनलाल गणेशको मृत्यु भएको हो ।
शनिबार साँझ टिप्परले ठक्कर दिँदा गम्भीर घाइते भएका उनको बिर्तामोडस्थित बीएण्डसी अस्पतालमा हिजै मृत्यु भएको हो ।
दुर्घटनापछि भागेका टिप्पर चालक झापा गाउँपालिका–३ कामाटोलीका ३६ वर्षीय फागुलाल राजवंशीलाई पक्राउ गरिएको छ । गणेशको ज्यान गएको जानकारी पाएपछि आक्रोशित स्थानीयले टिप्पर तोडफोड गरेका छन् ।
–––
प्रकाशित: ३१ साउन २०८३ ७:४२ | Sunday, August 16, 2026
प्रतिक्रिया
