पोखरामा पेस्तोलसहित एक किशोर पक्राउ

पोखरा- जिल्ला प्रहरी कार्यालय कास्कीले एक जना किशोरलाई चाइनीज पेस्तोल टाइप-५४ सहित पक्राउ गरेको छ।

गत २४ भदौमा जेनजी आन्दोलनका क्रममा जिल्ला प्रहरी कार्यालय कास्की र मातहतका प्रहरी कार्यालयहरू तोडफोड तथा आगजनीमा संलग्नको खोजतलास गर्ने क्रममा पोखरा-४ डेरा गरी बस्ने ती किशोरलाई प्रहरीले पक्राउ गरेको हो। तर ती १६ वर्षका मात्र भएकाले नामथर खुलाइएको छैन।

वडा प्रहरी कार्यालय बगरको स्वामित्वमा रहेको ग्याग्जिन नभएको अवस्थाको उक्त पेस्ताल बरामद गरिएको सूचना अधिकारी डीएसपी हरिबहादुर बस्नेतले जानकारी दिए। उनलाई जिल्ला अदालतबाट आपराधिक उपद्रव गर्न नहुनेसम्बन्धी कसूरमा ५ दिन म्याद थप गरी अनुसन्धान प्रक्रिया अघि बढाइएको बस्नेतले बताए।