ट्रकको ठक्करबाट युवकको मृत्यु

काठमाडौँ- ट्रकको ठक्करबाट बारामा एक जनाको ज्यान गएको छ भने एक जना घाइते भएका छन्।

जितपुरसीमरा उपमहानगरपालिका–२ शुभलाभ ट्रेडर्सअगाडि बीरगन्ज–पथलैया सडकखण्डमा पथलैयाबाट बीरगन्जतर्फ जाँदै गरेको ना ६ ख २८९५ नम्बरको ट्रकले ना ४० प ४१९५ नम्बरको मोटरसाइकललाई ठक्कर दिँदा दुर्घटना भएको हो।

दुर्घटनामा परी जितपुरसीमरा–२ बस्ने अन्दाजी २५/३० वर्षीय उदितनारायण झाको मृत्यु भएको प्रहरीले जनाएको छ। झाको उपचारको क्रममा एलएस न्यूरो अस्पताल परवानीपुरमा मृत्यु भएको प्रहरीले बताएको छ।

त्यस्तै मोटरसाइकलमै सबार १८ वर्षीय उत्पल आचार्य घाइते भएका छन्। उनको उपचार भइरहेको प्रहरीले जनाएको छ।