हिमाल प्रेस 
काठमाडौँ- च्याम्पियन्स लिगमा इन्टर मिलानसँग आर्सनले हार व्यहोरेको छ। गएराति भएको खेलमा आर्सनल इन्टर मिलानसँग १-० गोलअन्तरले पराजित भएको हो।
पहिलो हाफमा इन्टर मिलानले पेनाल्टी पाएपछि आर्सनलले सिजनकै पहिलो हार बेहोरेको हो। पहिलो हाफको इन्ज्युरी समयमा हाकान काल्हानोग्लुले पेनाल्टीमा गोल गर्दै इन्टर मिलानलाई जित दिलाए।
खेलको दोस्रो हाफमा आर्सनल आक्रमक रूपमा प्रस्तुत भए पनि गोल गर्न असफल भयो। आर्सनलले यो सिजन युरोपमा खेलेका चार खेलमा पहिलोपटक हार भोगेको हो।
लिगमा २ खेलमा जित, १ खेलमा बराबरी र १ खेलमा हार भोगेको आर्सनल ७ अंकसहित १२औँ स्थानमा छ। गएरातिकै अर्को खेलमा एस्टोन भिल्ला क्लब ब्रुगसँग १-० ले हार्यो। सख्तर डोनेस्कले योङ ब्वाइजलाई २-१ ले तथा रेडबुल साल्जब्रुगले फियनोर्डलाई ३-१ ले हरायो।
प्रकाशित: २२ कार्तिक २०८१ ७:४०
प्रतिक्रिया
