हिमाल प्रेस 
सुर्खेत- सुर्खेतको वीरेन्द्रनगर-७ कपासेमा वनभोज खाएर फर्कँदै गरेको फोर्स गाडी दुर्घटनामा परेको छ। सुर्खेतको छिन्चुबाट वनभोज खान वीरेन्द्रनगरको कटकुवा गएर फर्किँदै गरेका यात्रु बोकेको कर्णाली प्रदेश ०२-०१ ख ०१८८ नम्बरको फोर्स गाडी नेपाली सेनाको कालिबहादुर गणको मूल गेट नजिकको घुम्तीमा बुधबार दुर्घटनामा परेको हो।
दुर्घटनामा परी २६ जना घाइते भएका छन्। दुर्घटनालगत्तै कालीबहादुर गणबाट सेनानी कौशल कार्की र श्री नं. ४ फी ए गुल्मबाट प्राविधिक सहसेनानी डा. सचित थापाको कमान्डमा खटिएको सेनाको टोलीले उद्धार गरी थप उपचारका लागि प्रदेश अस्पताल पठाइएको उत्तर पश्चिम पृतना हेडक्वार्टर सुर्खेतले जनाएको छ।
जिल्ला प्रहरी कार्यालय सुर्खेतका अनुसार घाइते २६ मध्ये दुईजनाको अवस्था गम्भीर छ। गाडी सडकबाट झण्डै एक सय मिटर तल खसेको प्रहरीले जनाएको छ।
प्रकाशित: २१ कार्तिक २०८१ २०:५५
प्रतिक्रिया
