केटी हराएको सूचना’ को दोस्रो पोस्टरमा गम्भीर देखिए नाजिर र सृष्टि

हिमाल प्रेस ९ कार्तिक २०८१ १३:०८
4
SHARES
केटी हराएको सूचना’ को दोस्रो पोस्टरमा गम्भीर देखिए नाजिर र सृष्टि

काठमाडौँ- फिल्म ‘मिसिङः केटी हराएको सूचना’ को दोस्रो पोस्टर सार्वजनिक भएको छ। पोस्टरमा चलचित्रका मुख्य पात्र नाजिर हुसेन र सृष्टि श्रेष्ठलाई गम्भीर भावमा देखाइएको छ।  यसअघि सार्वजनिक पहिलो पोस्टरमा निकै हँसमुख देखिएका नाजिर र सृष्टिलाई दोस्रो पोस्टरमा फरक मुडमा देखाइएको छ। पोस्टरमा नाजिर र सृष्टि सामान्य पहिरनमा छन्।

पोस्टरमा नाजिर र सृष्टिको पृष्ठभूमिमा ‘बजारमा अनौठो परिवेशको नयाँ चलचित्र’को शीर्षकको समाचारपत्र छ। जसमा फिल्म लेखक तथा निर्देशक दीपेन्द्र गौचनको नाम देख्न सकिन्छ। यो समाचार बाहेक पोस्टरमा ‘देशमा हतियार तस्करी फस्टाउँदै’सहित अन्य शीर्षकका समाचार पनि छन्।

यही कार्तिक ३० गते प्रदर्शन हुने फिल्मको यसअघि संवादरहित टिजर र ‘हेर्दै जाऊ’ बोलको गीत सार्वजनिक भइसकेको छ। दीपेन्द्र गौचनको निर्देशनमा बनेको फिल्म उनले नै निर्माण र स्क्रिप्ट लेखन छ।

फिल्ममा नाजिर र सृष्टिसँगै सञ्जय गुप्ता, रामनारायण ठाकुर, मदन ठाकुर, रिना रिमाल, कौशल्या ठाकुर, ललितादेवी मिश्र, रुपेश मण्डल, सुदीप पटेल, अनिल कुर्मी, मनोज शाह, अर्जुन पोखरेल र ओमप्रकाश कर्णको अभिनय छ। अमितेष शाह विशेष भूमिकामा देखिनेछन्।

अमर महर्जनले छायांकन गरेको फिल्म निमेष श्रेष्ठको सम्पादन छ। फिल्म शंकर महर्जनको द्वन्द्व निर्देशन, दीपेन्द्र गौचन, प्रवेश मल्लिक र करुण थापाको संगीत, दीपेन्द्र गौचन, अमितेष शाह, करुण थापाको शब्द, सितुसित बस्नेत, रोहित जोन क्षेत्री, प्रवेश मल्लिक, नेहा प्रियदर्शनी, करण परियार र इन्दिरा जोशीको स्वर, राजीव कर्णको कोरियोग्राफीमा बनेको छ। ट्राई सिटी पिक्चर्स प्रस्तुतकर्ता रहेको फिल्म ट्राई सिटी पिक्चर्सकै ब्यानरमा निर्माण भएको हो।


प्रतिक्रिया

Leave a Reply

Your email address will not be published. Required fields are marked *

5 × three =


© Nepali horoscope

© Gold Price Nepal

© Nepal Exchange Rates
© Nepal weather forecast