हिमाल प्रेस 
प्रतीकात्मक तस्बिर।
कैलाली- कैलालीको खुटिया नदीमा डुबेर आज (आइतबार) एक किशोरी बेपत्ता भएकी छन्।
बेपत्ता हुनेमा धनगढी उपमहानगरपालिका-१४ जी गाउँ बस्ने की १६ वर्षीया जेनिशा अवस्थी रहेको जिल्ला प्रहरी कार्यालय कैलालीका प्रहरी नायब उपरीक्षक कविन्द्र बोहराले जानकारी दिए।
उनका अनुसार धनगढी उपमहानगरपालिका–१५ र ७ को बीचमा पर्ने वेली पुल नजिकै खुटिया नदीमा नुहाउने क्रममा अवस्थी र उनकी बहिनी १४ वर्षीया सवी अवस्थी डुबेका थिए।
प्रहरी र स्थानीयको सहयोगमा सवीको उद्धार गरिएको थियो भने जेनिशा भने बेपत्ता छिन्। सवीको अवस्था गम्भीर रहेको र बेपत्ता जेनिशाको खोजी भइरहेको प्रहरीले जनाएको छ।
प्रकाशित: २३ भदौ २०८१ १८:५४
प्रतिक्रिया
