हिमाल प्रेस 
गाँजासहित नियन्त्रणमा लिइएकाे भारतीय गाडी
काठमाडौँ- प्रहरीले सुनसरीबाट दुई क्विन्टलबढी गाँजासहित भारतीय गाडी नियन्त्रणमा लिएको छ।
सुनसरीको हरिनगरा गाउँपालिका–२ घुस्की जाने बाटोमा नरकटियाबाट प्रहरीले भारतीय नम्बरको गाडीबाट दुई क्विन्टल बीस किलो गाँजा बरामद गरेको हो।
प्रहरीले नियमित चेकजाँच गरिरहेका बेला बीआर ११ टी १६०० भारतीय प्लेट नम्बरको गाडी छोडेर चालक भागेको थियो। गाडीलाई चेकजाँच गर्दा ९ वटा बोरामा लागुऔषध गाँजा बरामद भएको जिल्ला प्रहरी कार्यालय सुनसरीले जनाएको छ।
गाँजाको तौलगर्दा दुई सय बीस किलो भएको प्रहरीले जनाएको छ। फरार चालकको खोजीका साथै आवश्यक अनुसन्धान भइरहेको प्रहरीले बताएको छ।
प्रकाशित: ३२ साउन २०८१ १९:५४
प्रतिक्रिया
