हिमाल प्रेस 
प्रतिनिधिमूलक तस्बिर
डडेल्धुरा- डडेल्धुरामा जिप दुर्घटना परेकामध्ये एक जनाको मृत्यु भएको छ। एक जनालाई उपचारका लागि धनगढी पठाइएको छ।
सदरमुकामबाट गन्यापधुरा गाउँपालिका–३ गौलीगाउँ गइरहेको सुपप्र ०४००१ च ०१३४ नम्बरको जिप अमरगढी नगरपालिका–५ बागवजार नजिक पीपल चौतारा नजिकै नालीमा खसेर आज (बिहीबार) दुर्घटना भएको थियो।
दुर्घटनामा गन्यापधुरा–३ का ४५ वर्षीय कृष्णबहादुर भूलको मृत्यु भएको जिल्ला प्रहरी कार्यालय, डडेल्धुराले जानकारी दिए। उपचारका लागि डडेल्धुरा अस्पताल पुर्याउँदा भूललाई चिकित्सकले मृत घोषणा गरेका थिए।
दुर्घटनामा ६ जना घाइते भएको प्रहरी निरीक्षक वीरबहादुर थापाले जानकारी दिए।
प्रकाशित: २४ साउन २०८१ २१:४१
प्रतिक्रिया
