नामिबियासामु ओमानको कमजोर लक्ष्य प्रस्तुत, १०९ रनमै अलआउट

काठमाडौँ- आईसीसी टी-२० विश्वकपमा नामिबियाले ओमानलाई १०९ रनमा रोकेको छ। नामिबियाका रुबेल ट्रम्पलम्यान र डेभिड विस घातक बन्दा ओमान १९ दशमलब ४ ओभरमै अलआउट भयो।

ट्रम्पलम्यानले ४ ओभरमा ४ विकेट लिँदा विसले ३ दशमलब ४ ओभरमै ३ विकेट लिए। जर्चहार्ड इरामसले २ र बर्नान्ड स्कोचले एक विकेट लिए।

यता ओमानका लागि भने खालिद कैलले बनाएको ३४ रन नै सर्वाधिक बन्यो। आयान खान १५, जिसन मक्सुद २२ र सकिल अहमद ११ रनमा आउट भए। अन्य ब्याट्सम्यानले दोहोरो अंक छुन सकेनन्।

बार्बाडोसको केन्सिङ्टन ओभलमा नामिबियाले टस जितेर बलिङ रोजेको थियो। केही बेरमा खेलको दोस्रो इनिङ्स सुरु हुनेछ।