हिमाल प्रेस 
नयाँदिल्ली- पञ्जाब किंग्स इन्डियन प्रिमियर लिग–२०२४ को प्लेअफको दौडबाट बाहिरिएको छ। घरेलु मैदानमा रोयल च्यालेन्जर्स बैंग्लोरसँग टोली ६० रनले पराजित भएको थियो।
पञ्जाब यो सिजन लिग चरणबाट बाहिरिने दोस्रो टोली बनेको छ। दुई दिनअघि हार्दिक पाण्ड्याको कप्तानीमा रहेको मुम्बई इन्डियन्स लखनउमाथि हैदरावादको जितसँगै बाहिरिएको थियो।
बिहीबार आरसीबीले सिजनमा दोस्रोपटक पीबीकेएसलाई पराजित गर्याे। बेंगलुरुको यो लगातार चौथो जित हो। यो जितसँगै १० अंकसहित अंक तालिकाको सातौं स्थानमा पुगेको छ। योसँगै टोलीले प्लेअफमा पुग्ने आशा जीवित राखेको छ। अब बैंगलोरले अन्तिम दुई खेल जित्नुपर्नेछ। यसका बाबजुद पनि हामीले अन्य टोलीको नतिजामा भर पर्नु पर्नेछ।
धर्मशालास्थित एचपीसीए रंगशालामा भएको खेलमा पञ्जाबले टस जितेर बलिङ रोजेको हो। आरसीबीले निर्धारित २० ओभरमा ७ विकेट गुमाएर २४१ रन बनाएको थियो। यो धर्मशाला मैदानमा आईपीएलको उच्च स्कोर हो। रन पछ्याउने क्रममा पञ्जाब १७ ओभरमा १८१ रन बनाएर अलआउट भयो। खेलको प्लेयर अफ द म्याच विराट कोहली भए। उनले ४७ बलमा ९२ रन बनाए।
कोहली, पाटीदार र रुसोको अर्धशतक, हर्षल-सिराजको ३/३ विकेट लिए भने आरसीबीका लागि विराट कोहलीले ९२, रजत पाटीदारले ५५ र क्यामरुन ग्रीनले ४६ रन बनाए। पञ्जाबका हर्षल पटेलले ३ तथा विद्वत कावेरप्पाले २ विकेट लिए।
पिबिकेएसका रिले रुसोले ६१ रन बनाए। शशांक सिंहले ३७, जोनी बेयरस्टोले २७ र साम कुरानले मात्र २२ रन बनाउन सके। बैंगलोरका मोहम्मद सिराजले ३ विकेट लिए। कर्ण शर्मा, स्वप्निल सिंह र लोकी फर्गुसनले २/२ विकेट लिए।
