हिमाल प्रेस 
मतगणनाको प्रतिनिधिमूलक तस्बिर
इलाम- इलाम-२ मा शनिबार सम्पन्न प्रतिनिधिसभा सदस्य उपनिर्वाचनको मतगणना आज बिहान ७ बजेदेखि सुरु हुने भएको छ।
शनिबार राति बसेको सर्वदलीय बैठकबाट सो निर्णय गरिएको हो। मुख्य निर्वाचन अधिकृत केशवप्रसाद घिमिरेका अनुसार इलाम नगरपालिका-२ स्थित गौतबुद्ध सम्मेलन केन्द्र (सिटी हल)मा मतगणना गरिनेछ।
इलाम-२ मा शनिबार बिहान ७ देखि बेलुका ५ बजेसम्म शान्तिपूर्ण रूपमा मतदान भएको थियो। निर्वाचन आयोगले सो क्षेत्रमा ५८ प्रतिशत मतदान भएको जनाएको छ।
प्रकाशित: १६ वैशाख २०८१ ६:१५
प्रतिक्रिया
