हिमाल प्रेस 
काठमाडौँ- नेपाली कांग्रेसको १५ औँ महाधिवेशनअन्तर्गत नयाँ नेतृत्व चयनका लागि भइरहेको मतदानको समय दुई घण्टा थप गरिएको छ। दिउँसो ३ बजेसम्मको समय तोकिएकामा मतदान गर्न समय लाग्ने भएपछि साँझ ५ बजेसम्मको समय थपिएको केन्द्रीय निर्वाचन समितिले जनाएको छ।
बिहान ७ बजेपछि प्रारम्भ भएको मतदानमा महाधिवेशन प्रतिनिधिहरू सहभागी भइरहेका छन्। मतदान केन्द्रमा प्रतिनिधिहरूको लामो लाइन लागेपछि मतदानको समय थप गरिएको हो।
कांग्रेसको नयाँ नेतृत्व चयनका लागि ७ हजार तीन सय १७ जना महाधिवेशन प्रतिनिधिले मतदान गर्दै छन्। महाधिवेशनबाट सभापति, उपसभापति, महामन्त्री, सहमहामन्त्री तथा केन्द्रीय सदस्यसहितलाई गरी २३ वटा क्लस्टरमा मतदान गर्नुपर्ने भएकाले समय लागेको हो।
प्रकाशित: २३ असोज २०८३ १४:३८ | Friday, October 9, 2026
प्रतिक्रिया
