हिमाल प्रेस 
काठमाडौँ- अखिल नेपाल फुटबल संघ (एन्फा) का कोषाध्यक्ष रवीन्द्र जोशी र लेखापाल सञ्जिव पाण्डे पक्राउ परेका छन्।
माथि खेलमा मिलेमतोको आरोपमा अनुसन्धान थालेको प्रहरीले जनाएको छ । नेपाल प्रहरीको केन्द्रीय अनुसन्धान ब्यूरो (सीआईबी) ले शुक्रबार एन्फा मुख्यालयमा छापा मार्दै कोषाध्यक्ष जोशी र लेखापाल पाण्डेलाई पक्राउ गरेको हो।उनीहरूमाथि खेल मिलेमतो गरेको अभियोग छ। सीआईबीले निकालेको विज्ञप्तिमा उनीहरूमाथि खेलमा मिलेमतो तथा अनियमितता र ठगी सम्बन्धी कसुरमा अनुसन्धान भइरहेको उल्लेख गरेको छ ।
यसैक्रममा आइतबारै जिल्ला अदालत ललितपुरबाट ४ दिन हिरासतमा राखेर अनुसन्धान गर्न प्रहरीले अनुमतिसमेत पाएको छ । जिल्ला न्यायाधिश भगवती शर्मा ढुंगानाको इजलासले जोशी र पाण्डेलाई थप ४ दिन हिरासतमा राखेर अनुसन्धान गर्न अनुमति दिएको हो ।
प्रकाशित: ५ असोज २०८३ ९:१२ | Monday, September 21, 2026
प्रतिक्रिया
