कांग्रेसको केन्द्रीय कार्यसमिति बैठक बस्दै

काठमाडौँ- नेपाली कांग्रेस केन्द्रीय कार्यसमितिको बैठक आज बस्दैछ। सभापति गगन थापाको सचिवालयका अनुसार बैठक दिउँसो १ बजे पार्टी केन्द्रीय कार्यालय सानेपामा बस्ने भएको हो। बैठकमा समसामयिक विषयमा छलफल हुने जनाइएको छ।

पछिल्लो समय सर्वोच्च अदालतले नेपाली कांग्रेसको आधिकारिकतासम्बन्धी विवादमा आफ्नो अघिल्लो फैसला पुनरावलोकन गर्ने अनुमति दिएपछि अहिले तरंग पैदा भएको छ।

विशेष महाधिवेशनबाट सभापति बनेका थापालाई यसअघि निर्वाचन आयोग र अदालतबाट वैधनिकता थियो। तर पछिल्लो पुनरावलोकनसम्बन्धी आदेशले अब कांग्रेसको आधिकारिकता कोसँग रहने भन्ने प्रश्न उठ्दै आएको छ। पूर्वसभापति शेरबहादुर देउवा पक्षले आफूलाई आधिकारिकता घोषणा गर्न पुनरावलोकन दिइसकेको छ।