कंगोमा इबोलाको संक्रमणले कम्तीमा १०० जनाको मृत्यु

काठमाडौँ- कंगोमा इबोला भाइरसको संक्रमणले अहिलेसम्म कम्तीमा १०० जनाको मृत्यु भएको पुष्टि भएको छ भने ३९० भन्दा बढी शंकास्पद बिरामी छन्।

विश्व स्वास्थ्य संगठन (डब्ल्यूएचओ)ले प्रकोपलाई अन्तर्राष्ट्रिय आपतकाल घोषणा गरेको छ।

स्रोतहरूले सीबीएस न्युजलाई बताएअनुसार कंगोमा कम्तीमा छ जना अमेरिकी नागरिकमा पनि इबोला भाइरसको संक्रमण देखिएको छ।

इबोलाको स्ट्रेन बुन्डिबुग्योको कारणले संक्रमण फैलिएको हो, जसका लागि हाल कुनै स्वीकृत औषधि वा खोप छैन।

युगान्डाले पनि दुई जनामा इबोला संक्रमण पुष्टि भएको र एक जनाको मृत्यु भएको बताएको छ।