हिमाल प्रेस 
काठमाडौँ- नेपाली कम्युनिस्ट पार्टी (नेकपा) ले समानुपातिक प्रणालीबाट निर्वाचित हुने सांसदको नाम टुंग्याएको छ।
पार्टीका संयोजक पुष्पकमल दाहाल ‘प्रचण्ड’ र सहसंयोजक माधवकुमार नेपालले छलफल गरेर समानुपातिक प्रणालीबाट निर्वाचित हुने सांसदहरूको नाम टुंगो लगाएका हुन्।
फागुन २१ गते सम्पन्न प्रतिनिधिसभा सदस्य निर्वाचनमा समानुपातिकतर्फ प्राप्त मतका आधारमा नेकपाले ९ सिट पाएको छ।
खसआर्यमा प्रमेश हमाल, आदिवासी जनजाति समूहबाट परशुराम तामाङ र भीमकुमार बुढा, अपाङ्गताबाट प्रेम बयक, महिलातर्फ बलावती शर्मा, मधेशी समूहबाट जोगकुमार बरबरिया यादव, दलितबाट पार्वती विक र गणेश विश्वकर्मा र थारू समूहबाट निराशा चौधरी डगौरा समानुपातिक तर्फ सिफारिस भएको नेकपाले जनाएको छ।
प्रकाशित: १ चैत २०८२ १८:०५ | Sunday, March 15, 2026
प्रतिक्रिया
