सांकेतिक तस्बिर।
कञ्चनपुर- कञ्चनपुरमा कुकुरको टोकाइबाट एकैदिन १७ जना घाइते भएका छन्।
जिल्ला प्रहरी कार्यालय कञ्चनपुरका अनुसार आज (आइतबार) भीमदत्त नगरपालिका–४ स्थित बजारका विभिन्न स्थानमा कुकुरको टोकाइबाट १७ जना घाइते भएका हुन्।
प्रहरी नायव उपरीक्षक हेमबहादुर शाहीले घाइतेहरूको महाकाली प्रादेशिक अस्पताल महेन्द्रनगरमा उपचार भइरहेको जानकारी दिए।
उक्त कुकुरलाई नियन्त्रणमा लिएर भेटेरीनरी अस्पतालमा बुझाइएको प्रहरीले जनाएको छ।
प्रकाशित: १ चैत २०८२ १९:१० | Sunday, March 15, 2026
प्रतिक्रिया





