हिमाल प्रेस 
सांकेतिक तस्बिर।
इटहरी– सुनसरीमा जंगल गएका एक युवकमाथि गोली प्रहार भएको छ। शनिबार सुनसरीको बराहक्षेत्र–१ सूर्यकुण्डका १९ वर्षीय निरज राईमाथि अज्ञात समूहले गोली प्रहार गरेका हुन्।
घाँस काट्न गएका राईको दाहिने खुट्टाको घुँडामाथि गोली लागेपछि उनी घाइते भएका छन्। प्रहरीकाअनुसार उनको धरानस्थित बीपी कोइराला स्वास्थ्य विज्ञान प्रतिष्ठानमा उपचार भइरहेको छ।
जंगलमा भएको गोली प्रहारको कारण र दोषी पहिचान हुन नसके पनि प्रहरीले थप अनुसन्धान अगाडि बढाएको छ।
प्रकाशित: २३ चैत २०८१ १९:५९
प्रतिक्रिया
