हिमाल प्रेस 
जनकपुरधाम- नेपाली कांग्रेस मधेश प्रदेशको ट्रेड युनियन तथा श्रमिक विभागको पहिलो बैठक सम्पन्न भएको छ।
जनकपुरधामस्थित प्रदेश पार्टी कार्यालयमा प्रदेश ट्रेड युनियन तथा श्रमिक विभागका सभापति सुरेश ठाकुरको सभापतित्व एवं पार्टीका प्रदेश सभापति कृष्णप्रसाद यादवको प्रमुख आतिथ्यमा बैठक बसेको हो।
बैठकमा बोल्दै सभापति यादवले कांग्रेसलाई मधेश प्रदेशमा मजबुत बनाउन नेता तथा कार्यकर्ताहरू एकजुट अगाडि बढ्नुपर्नेमा जोड दिए। उनले कांग्रेस मधेशका लागि उर्वरभूमि रहेको बताउँदै अन्य दलसँग प्रतिस्पर्धा गर्न एकजुट भएर अगाडि बढ्नुको विकल्प नभएको उल्लेख गरे।
प्रदेशका पूर्वगृहमन्त्री मोहम्मद समीम अन्सारी ट्रेड युनियन तथा श्रमिक विभागले समग्र मजदुरको हकहितमा काम गर्नुपर्नेमा जोड दिए।
बैठकमा ट्रेड युनियन तथा श्रमिक विभाग कार्यसमितिका पदाधिकारी एवं सदस्यलगायतको उपस्थिति रहेको थियो।
