वाह् त्यो दिन

म र उनी हामी भएको दिन

कसैले घुम्टोबाट चिहाएर

मलाई हेरेको दिन ।

 

म दौरामा अनि उनी सारीमा

सजिएको दिन मंसिर महिनाको हाम्रो प्रणयको

त्यो दिन ।

 

सम्झँदा पनि लाज लाग्ने त्यो

छिन

लजाउँदै उनी मेरो छेउमा बसेको त्यो दिन ।

 

मलाई पनि कताकता

काउकुती लागेको दिन छुट्टै अनि

अर्कै संसारमा

रमाएको त्यो दिन ।

 

वषौँ बित्दा पनि याद आउँछ

त्यो दिन

म बेहुला अनि उनी बेहुली

भएको त्यो दिन ।

हाल : कागेश्वरी मनोहरा–६ काठमाडौँ