आफन्तले मात्र अंगदान गर्न पाउने व्यवस्थाको विरोधमा सर्वोच्चमा रिट

काठमाडौँ– सर्वोच्च अदालतमा अंगदान आफन्तले मात्र गर्न पाउने भनी भएको व्यवस्था खारेज गर्नुपर्ने माग गर्दै रिट दायर भएको छ। निश्चित आफन्त र नातेदारबाट मात्रै मानव अंग आदानप्रदान गर्न पाइने कानुनी व्यवस्था सविधानको व्यवस्थासँग बाझिएको दावी रिटमा गरिएको छ। यो व्यवस्थाले संविधानको बाँच्न पाउने हक हनन भएको दाबी रिटमा गरिएको छ।

निश्चित आफन्त र नातेदारबाट मात्र अंगदान लिन पाइने कानुनी व्यवस्था संविधानमा रहेको स्वतन्त्रतापूर्वक बाँच्न पाउने मौलिक हकसँग बाझिएकोले बदर हुनुपर्ने रिटमा उल्लेख छ। कानुनका विधार्थीहरू खेमबहादुर छन्त्याल डेविड चौधरी र ओस्निक पौडेलले सर्वोच्च अदालतमा रिट निवेदन दर्ता गरेका हुन्।

उनीहरूले मानव अंग प्रत्यारोपण (नियमित तथा निषेध) ऐन २०५५ मा अंगदान लिनका लागि गरिएको बन्देजको व्यवस्था खारेजीको माग गरेका छन्।