हिमाल प्रेस 
काठमाडौँ– बलिउड फिल्म ‘टाइगर ३’को ट्रेलर सार्वजनिक भएको छ। यशराज फिल्म्स् नामक युट्युब च्यानलबाट फिल्मको ट्रेलर सार्वजनिक गरिएको हो। करिब तीन मिनेटको ट्रेलरमा फिल्मका मुख्य कलाकार सलमान खान र कट्रिना कैफलाई देख्न सकिन्छ।
थ्रिलर एक्सन र एडभेन्चर जनरामा बनेको फिल्मका निर्देशक मनिष शर्मा हुन्। आदित्य चोपडाले निर्माण गरेको फिल्ममा सलमान र कट्रिनासहित कलाकार इमरान हासमी पनि मुख्य भूमिकामा छन्।
निर्माता आदित्य चोपडाकै कथामा बनेको फिल्म हिन्दी, तमिल र तेलगूमा भाषामा १२ नोभेम्बर अर्थात कात्तिक २६ देखि प्रदर्शन हुनेछ। फिल्म यशराज फिल्म्स् ब्यानरमा बनेको छ।
यो फिल्म सन् २०१२ मा प्रदर्शन भएकाे ‘एक था टाइगर’ र सन् २०१७ को ‘टाइगर जिन्दा है’ को सिक्वेल हो।
प्रकाशित: २९ असोज २०८० १५:१२
प्रतिक्रिया
