हिमाल प्रेस 
फाइल तस्बिर
काठमाडौँ- नेपाल क्रिकेट संघ क्यानको सचिवमा पारस खड्का निर्वाचित भएका छन्। शनिबार सम्पन्न क्यान निर्वाचनमा नेपाली राष्ट्रिय क्रिकेट टिमका पूर्वकप्तान खड्काले प्रतिस्पर्धी प्रशान्त विक्रम मल्ललाई पराजित गर्दै सचिवमा निर्वाचित भएका हुन्।
८५ मत खसेको निर्वाचमा मतगणना नसकिँदै पारसले जितिसकेका छन्। कुल ७५ मत गणना हुँदा पारसले ४३ मत र मल्ल ३२ मत पाएका छन्।
जित्नका लागि ४३ मत आवश्यक हुनेमा पारसले उक्त मत पाइसकेका छन्। निर्वाचनको नतिजा औपचारिक रूपमा घोषणा गर्न बाँकी छ। क्यानको अध्यक्षमा यसअघि नै चतुरबहादुर चन्द निर्वाचित भइसकेका छन्।
प्रकाशित: ६ असोज २०८० १७:१८
प्रतिक्रिया
