हिमाल प्रेस 
पोखरा– पोखरामा चट्याङ लागेर एक जनाको मृत्यु भएको छ। पोखरा महानगरपालिका वडा २३, हर्पनका ४९ वर्षीय देव विकको एकतले कच्ची घरमा आइतबार राति साढे ११ बजे चट्याङ परेको थियो।
घरको ढोका लगाउँदै गर्दा चट्याङ लागेर घाइते भएका उनलाई मेट्रोसिटी अस्पताल ल्याइएकोमा उपचारका क्रममा चिकित्सकले राति २:२० बजे मृत घोषणा गरेका हुन्।
घटनास्थलमा अस्थायी प्रहरी पोष्ट बाम्दीबाट प्रहरी टोली उद्धारका लागि खटिएको कास्की प्रहरीले जनाएको छ।
प्रकाशित: १० असार २०८० ११:५४
प्रतिक्रिया
