हिमाल प्रेस 
काठमाडौँ- चर्चित गायक बद्री कुमार पंगेनी र गायिका एलिना चौहानको स्वरमा ‘दुई पाइला’ बोलको लोकदोहोरी गीत सार्वजनिक भएको छ।
गीत गायक पंगेनीकै आधिकारिक युट्युब च्यानलबाट सार्वजनिक गरिएको हो।
नारायण ज्ञवालीको शब्द र सुदीप सागरको संगीत संयोजन रहेको गीतमा गायक पंगेनीले संगीत भरेका छन्।
पंगेनीकै कथा र निर्देशन रहेको गीतको भिडियोमा प्रकाश सपुत र पूजा पौडेलको प्रेम कहानी देखाइएको छ। साथै भिडियोमा रमेश विक, सुवास रिजाल, मित्र अधिकारी, अपेक्षा अधिकारी र गोपाल ज्ञवालीले अभिनय गरेका छन्।
सार्वजनिक भएको दुई दिनमा गीतलाई पाँच लाखभन्दा बढिले हेरिसकेका छन्। गीत राजेश घिमिरेको छायांकन, प्रविण भट्टको सम्पादनमा बनेको छ।
प्रकाशित: ३ असार २०८० १३:४४
प्रतिक्रिया
