हिमाल प्रेस 
काठमाडौँ- फिल्म ‘ए साथी सुन’ को शीर्ष गीत सार्वजनिक भएको छ। फिल्मका प्रमुख कलाकार वर्षा शिवाकोटी र रमेश बानियाँ गीतमा देखिएका छन्। रमेश बानियाँले यस फिल्मबाट अभिनयमा डेब्यु गरेका छन्।
सुरज अधिकारीको संगीत र रविना मगरको शब्द रहेको गीतमा अन्जु पन्त र किरण भुजेलले स्वर दिएका छन। गीतमा रामजी लामिछानेले कोरियोग्राफी रहेको छ।
लभस्टोरी, थ्रिलर र कमेडी जनरामा बनेको फिल्ममा वर्षा र रमेशसँगै सुशील पोखरेल, जयनन्द लामा, रमेश अधिकारी, बिमला गिरी, सुवास शाहीलगायत कलाकारको अभिनय छ।
राम राघव आचार्यको लेखन तथा निर्देशन रहेको फिल्म आगामी चैत १०मा प्रदर्शनमा आउनेछ।
प्रकाशित: ८ फागुन २०७९ ११:४७
प्रतिक्रिया
