हिमाल प्रेस 
काठमाडौँ- प्रतिनिधिसभा सदस्यमा निर्वाचित प्रेम आले र माया राईको शपथ आज हुने भएको छ ।
आले र राईको शपथग्रहण मंगलबार दिउँसो साढे १२ बजे सिंहदरबारमा हुने संघीय संसद् सचिवालयले जनाएको छ।
गत पुस ७ गते प्रतिनिधि सभाका सदस्यहरूको शपथ ग्रहण समारोहमा आले र राई छुटेका थिए। आले पारिवारिक शोक र राई अस्पताल भर्ना भएकाले पुस ७ गते शपथ लिन सकेका थिएनन्। उनीहरूलाई प्रतिनिधि सभाका ज्येष्ठ सदस्य पशुपति शमशेर जबराले शपथ खुवाउनेछन् । आले एकीकृत समाजवादी र माया नेपाली कांग्रेसका सांसद हुन्।
प्रकाशित: १९ पुष २०७९ १२:०७
प्रतिक्रिया
![बच्चा बोकेरै संसद्मा [फोटो फिचर]](https://himalpress.com/wp-content/uploads/2023/06/maya-rai-3.jpg)
