हिमाल प्रेस 
पोखरा- पहिरोबाट थुनिएको कास्कीको अन्नपूर्ण गाउँपालिकाको किम्रोङ खोलाको पानी बिस्तारै बग्न थालेपछि स्थानीयले राहत महसुस गरेका छन्।
खहरे खोला किम्रोङमा शनिबार आएको अविरल वर्षासँगै खसेको पहिरोले २४ घण्टादेखि बहाव रोकिएको थियो ।
गाउँपालिका वडा ११ का वडाध्यक्ष हिमबहादुर गुरुङले थुनिएको खोलाको छेउबाट बिस्तारै पानी बग्न थालेकाले तत्काल सम्भावित क्षति टरेको बताए ।
आफैले प्रत्यक्ष हेरेर आएको बताउँदै उनले किम्रोङ थुनिँदा त्यहाँ ठूलो ताल बनेको थियो । किम्रोङ मोदी खोलामा मिसिन्छ ।
यसअघि वडा कार्यालयले सूचना जारी गर्दै किम्रोङ खोला र मोदी खोला आपपासका वासिन्दालाई नदी र खोलाको छेउछाउ नजान र उच्च सतर्कता अपनाई खुरक्षित रहन आग्रह गरेको थियो ।
प्रकाशित: २१ असोज २०८० १४:२५
प्रतिक्रिया
