आर्थिक वर्षको अन्तिम दिन १२ अंकले बढ्यो सेयर बजार

काठमाडौँ- चालु आर्थिक वर्ष २०७९/८० को अन्तिम दिन आज सेयर बजार १२.१६ अंकले बढेको छ। चालु आर्थिक वर्ष सुरु भएको दिन गत साउन १ गते सेयर बजार २०११ बिन्दुमा थियो। वर्षको अन्तिम दिन आज २०९७ बिन्दुमा पुगेको छ।

आइतबार २०८५.६८ बिन्दुबाट सुरु भएको बजार तीव्र उतारचढावका बीच २०९७ बिन्दुमा उक्लिएको हो। आज ११७ कम्पनीको सेयर मूल्य घटेको छ। ९३ कम्पनीको मूल्य बढ्दा ६ कम्पनीको मूल्य स्थिर रह्यो।

आइतबार कुल २ अर्ब ३७ करोड ६४ लाख रुपैयाँको कारोबार भएको छ। कारोबार रकमका हिसाबले आज शिवम् सिमेन्ट शीर्ष स्थानमा रह्यो। यसको कुल १९ करोड १३ लाख रुपैयाँको कारोबार भएको छ। हिमालयन लाइफ इन्स्योरेन्सको १५ करोड ६९ लाख रुपैयाँको कारोबार भयो।