हिमाल प्रेस 
काठमाडौँ- राष्ट्रिय स्वतन्त्र पार्टीकी सांसद सुमना श्रेष्ठले संसद् बैठकमा जिन्स र पाइन्टलाई अमर्यादित पोसाक भनेर हटाएकोमा विरोध गरेकी छन्।
उनले परिवतर्नकारी शक्तिलाई प्रगतिशिल, लोकतन्त्रवादी शक्तिलगायतका नाममा रास्वपालाई कमजोर बनाउन खोजेको बताएकी छन्।
‘पहिरनमा खोट देखाएर हामीलाई कमजोर बनाउन सक्नुहुन्न। सक्दै त सक्नु हुन्न।’ उनले भनिन्,‘यस्तो भन्नेलाई विश्वस्त पार्न चाहन्छु कि हामी पहिरनमा होइन कर्तव्यमा पहिचान खोजिरहेका छौँ।’
गत आइतबारबाट टिसर्ट र जिन्स लगाउन नपाउने नियम प्रतिनिधिसभाले बनाएको थियो।
केही दिनअघिको बैठकमा सांसद श्रेष्ठले जिन्स र टिसर्ट लगाएपछि सामाजिक सञ्जालमा समेत विरोध भएको थियो। यही विषयलाई लिएर श्रेष्ठले आजको बैठकमा विरोध गरेकी हुन्।
प्रकाशित: १ जेठ २०८० १४:१४
प्रतिक्रिया
