हिमाल प्रेस 
काठमाडौँ- प्रजातान्त्रिक गणतन्त्र कंगो (डीआर कंगो) ले फिफा विश्वकप २०२६ को समूह चरणको अन्तिम खेलमा उज्वेकिस्तानमाथि ३–१ को पुनरागमन जित निकाल्दै ऐतिहासिक रूपमा नकआउट चरणमा स्थान सुरक्षित गरेको छ । कंगोको यस सानदार जितसँगै दक्षिण कोरियाको भने विश्वकप यात्रा समाप्त भएको छ ।
खेलमा सुरुवाती अग्रता उज्वेकिस्तानले लिए पनि दोस्रो हाफमा उत्कृष्ट प्रदर्शन गर्दै कंगोले खेललाई आफ्नो पक्षमा पारेको थियो । कंगोका लागि न्युकासलमा कठिन सिजन गुजारेका योएन विसाले उत्कृष्ट प्रदर्शन गर्दै टोलीको जितमा महत्त्वपूर्ण भूमिका खेले ।
यो जितसँगै कंगो उत्कृष्ट तेस्रो टोलीका रूपमा अर्को चरणमा प्रवेश गर्न सफल भएको हो । कंगोको यो नतिजाले दक्षिण कोरियाको नकआउट चरणमा पुग्ने गणितीय सम्भावनालाई पूर्ण रूपमा समाप्त पारिदिएको छ ।
कंगोका लागि यो जित अद्भुत क्षण बनेको छ । अब नकआउट चरणमा इंग्ल्यान्डले कंगोको सामना गर्दा निकै कडा चुनौतीको सामना गर्नुपर्ने देखिन्छ । समूह ‘के’ बाट उत्कृष्ट तेस्रो बन्दै अघि बढेको कंगोले अब अन्तिम ३२ को भिडन्तमा समूह ‘एल’ को विजेता इंग्ल्यान्डको सामना गर्नेछ ।
