हिमाल प्रेस 
काठमाडौँ- श्रम संस्कृति पार्टीका अध्यक्ष हर्क साम्पाङले प्रधानमन्त्री बालेन्द्र शाह (बालेन) जनताको प्रश्नबाट भाग्न खोजेको आरोप लगाएका छन्।
मंगलबार प्रतिनिधिसभा बैठकमा साम्पाङले जनताले सरकारमाथि धेरै प्रश्न गरिरहेको भन्दै प्रधानमन्त्री भने जनताको प्रश्नबाट भाग्न खोजेको बताएका हुन्।
उनले संसदमा उभिएर प्रश्नको उत्तर नदिनु भनेको जनताको उत्तर नदिनुभएको उल्लेख गरे। जनताका प्रश्नहरूको उत्तर दिन नसक्नु भनेको अयोग्यता र असक्षमताको नमुना भएको समेत उनले बताए। उनले जनता सरकारले असुरक्षित महसुस गरिरहेको बताए।
जनताको सुरक्षा गर्न नसक्ने र सीमा रक्षा गर्न नसक्ने सरकारलाई सफल सरकार भन्न नसकिने उनले बताए। उनले सदनमा नभए पनि पत्रकार सम्मेलन गरेर जनताको उत्तर दिन प्रधानमन्त्रीलाई सुझाव दिए।
प्रकाशित: २९ वैशाख २०८३ १७:१९ | Tuesday, May 12, 2026
प्रतिक्रिया
