हिमाल प्रेस 
काठमाडौँ- नेकपा एमालेका अध्यक्ष केपी शर्मा ओली प्रधानमन्त्री पुष्पकमल दाहाल ‘प्रचण्ड’सँग छलफल गर्न प्रधानमन्त्रीको सरकारी निवास बालुवाटार पुगेका छन्। केहीबेरअघि बालुवाटार पुगेका ओली र प्रचण्डबीच पछिल्लो राजनीतिक घटनाक्रमसँगै राष्ट्रपति निर्वाचन केन्द्रित छलफल भइरहेको प्रधानमन्त्रीको सचिवालयले जनाएको छ।
पार्टीको स्थायी कमिटी बैठकमा केपी ओलीले घेराबन्दीमा पारेको भन्दै प्रचण्डले आपत्ति जनाएका थिए। त्यसो त एमालेले राष्ट्रपति आफूले पाउनुपर्ने बताउँदै आइरहेको बेला प्रचण्डले राष्ट्रिय सहमतिको कुरा उठाएका छन्। दाहालको विचारमा ओली सहमत छैनन्।
ओलीले गठबन्धनभित्र राष्ट्रपति एमालेले पाउनुपर्ने सहमति भएको र सोहीअनुसार हुनुपर्ने बताउँदै आएका छन्।
प्रकाशित: १५ माघ २०७९ १६:४८
प्रतिक्रिया
