पुरानाले दलले गरेको विकृति नयाँ भनिएकाहरूले पनि दोहोर्‍याए : कुलमान

काठमाडौँ- उज्यालो नेपाल पार्टीका अध्यक्ष कुलमान घिसिङले सही व्यक्ति नेतृत्वमा नपुगेसम्म देश बन्न नसक्ने बताएका छन्।

मंगलबार काठमाडौं आयोजित पार्टीको रामेछाप–काठमाडौँ सम्पर्क मञ्च गठन तथा कार्यकर्ता भेलामा घिसिङले ठूला–ठूला कुरा र नेताहरुको आफ्नै दर्शनले देश बन्न नसकेको भन्दै देश बनाउन सहि व्यक्ति नेतृत्वमा पुग्नुपर्ने बताएका हुन्।

उनले यसअघिको निर्वाचनमा पुराना दलहरूले गरेको विकृति र विसंगतिलाई अहिले नयाँ भनिएका दलहरूले दोहर्‍याएको देख्दा दु:ख लागेको उल्लेख गरे। उनले देशलाई भ्रष्टाचारमुक्त बनाएर सुशासन कायम गर्न पार्टीका उम्मेदवारहरूले सुशासनको अभ्यास गर्न सिक्नुपर्ने धारणा राखे।

कार्यक्रममा विभिन्न दलबाट आएका कार्यकर्तालाई घिसिङले उज्यालो नेपाल पार्टीमा प्रवेश गराएका थिए।